PATAY na dihang gihidangat ang usa ka batan-on human kini naaksidente sa Barangay Poblacion, lungsod sa Laguindingan, Misamis Oriental.

Giila ang biktima nga mao si Romer Handugan, residente sa dapit.

Si Police Senior Inspector Bermil Alinas, hepe sa Laguindingan Police Station, nibutyag nga bag-o lang nagtuon sa pagmaneho sa motorsiklo ang biktima ug gitouhang nawad-an kini sa balanse, hinungdan maayong pagkabangga niini sa island sa dapit.

Nabunal ang ulo sa biktima nga maoy gitouhang hinungdan sa iyang hinanaling kamatayon.

Gisuwayan pa og dala sa Northern Mindanao Medical Center apan dead on arrival kining gideklarar sa doctor.