MIDANGOP sa kapulisan ang usa ka dalaga ug gibutyag nga gikumot-kumot sa silingan ang iyang boobs samtang nagbaklay sa Barangay Lapasan sa siyudad sa Cagayan de Oro.

Ang biktima nag-edad og 20 anyos, residente sa maong dapit, samtang ang suspek nailang si alyas Gino, 20, residente usab sa maong dapit.

Sa impormasiyon gikan sa kapulisan sa Police Station 3 (PS3) sa Agora, nasayran nga samtang naglakaw ang dalaga pauli na sa ilang panimalay, nagsunod kaniya si Gino.

Pag-abot sa usa ka gamay nga dalan, ni-una ang suspek ug kalit nga gipasok ang iyang mga kamot sa gisul-ob sa dalaga paingon sa dughan ug gihilam ug gikumot-kumot ang boobs niini.

Human usab sa gihimo, dali kining midagan palayo sa maong dapit ang suspek.

Ang panghitabo nakatala na sa buhatan sa kapulisan ug giduso na sa Barangay Lupon.