GIKALIPAY ug gipasigarbo ni Cagayan de Oro City Mayor Oscar Moreno ang pasidungog nga nakuha nga Presidential Award isip Most Child-Friendly City niadtong Nobyembre 28 didto sa kaulohan.

Dako ang pasalamat ni Moreno sa tanang katawhan sa dakbayan, sa mga opisyal sa barangay ug sa mga empleyado sa lokal nga kagamhanan sa siyudad.

"Salamat kaayo for all your support. Kini nga victory dili kini kang Oca Moreno, this is the victory of the people of Cagayan de Oro, and I'm very very proud to receive that in behalf of the people," matud ni Moreno.

Gidugang pa nga kini ang labing unang higayon nga nahimong finalist ang dakbayan ug labaw sa tanan nahimo pa kining "Most Child-friendly City."

"The other day wow, child-friendly LGU wala na sukad makab-ot wala man gani ta ma-finalist sukad," matud ni Moreno.

Nasayran nga mismong si Presidente Rodrigo Duterte ang nagtunol sa maong award.

Ang presidential award sa child-friendly municipalities dunay upat ka kategorya -- first to third class municipalities, fourth to sixth class municipalities, component cities, independent component cities ug highly urbanized cities diin dinhi nalakip ang Siyudad sa Cagayan de Oro.

Sa top 10 anaa sa unom ka mga siyudad sa Metro Manila ug duha sa Visayas nga mao ang Iloilo City ug Bacolod City samtang sa Mindanao mao ang Davao City ug Cagayan de Oro City mga maoy nakasakmit sa maong award.