GI-AGHAT sa Department of the Interior and Local Government (DILG) ang mga wala pa naka-renew sa ilang business permit tungod kay gilanganlangan sa lokal nga kagamhanan sa pagreklamo.

Kini ang gibutyag ni DILG-Northern Mindanao Director Arnel Agabe nga mahimo silang mopasaka og kaso apan iyang giklaro nga sa pagka-karon wala pa silay nadawatan nga reklamo.

"Kay ang LGU (local government unit) pod immediately file a complaint to the Office of Ombudsman kay naa na nga penalties, complimentary penalties for a non-compliant sa action sa atong mga LGUs," matud ni Agabe.

"Akong pagkahibalo, walay kaso nga paglangan-langan sa renewal sa business permit from January, pero if ever naa man, we will act on it. Ang amoa man gud, kinahanglanon namo kanang klaro nga complain. Kay naay uban ngano wala mahatag ilang business permit kay kakulangan naa sa ilaha kay nakulangan sa requirements," dugang niini.

Gibutyag ni Agabe nga anaa sa Ease of Doing Business and Efficient Government Service Delivery Act nga tulo ka adlaw lang ang gikinahanglan alang sa simple nga mga transaksyon sa gobyerno.

"Complex is seven days, while highly technical is 20 days mao na ang deadline for a period of an agency for local government unit to act on mga transaction nga gapangayuon sa ilaha," butyag niini.

Nasayran nga sagad sa reklamo moderekta na karong panahona sa 8888 nga hotline ug ang mga personahe na sa 8888 maoy moderetso niini sa concern agency.

Gipaabot lamang kini ni Agabe tungod kay usa ang Ease of Doing Business sa pito ka mga haligi sa ilang bag-o lang gilusad nga Disiplina Muna kung asa ang katawhan ilang giawhag makigtambayayong ug makigkooperar niini nga programa.