MILANDING sa tambalanan ang usa ka babaye human gilabnihan sa riding-in-tandem tungod sa pagkabundak sa ulo sa gutter sa Velez-Cruz Taal Streets, dakbayan sa Cagayan de Oro niadtong mga alas 8:40 Lunes sa gabii, Marso 18.

Gilabyan sa nakamotorsiklo si Rosell Facturan, 42, taga Barangay Patag ning siyudad ug gilabni ang iyang bag.

Nakaangkon si Facturan og mga bun-og ilabi na sa ulo hinungdan nga daling gidala sa J.R Borja Hospital.

Nadala sa wala mailang mga suspetsado ang bag diin adunay sulod nga kwarta ug cellular phone nga mokantidad og P15,000.

Ang maong insidente ang nakatala na sa buhatan sa kapulisan sa Police Station 1 samtang nagpaalim pa si Facturan sa tambalanan.