USA ka ang guwardiya ang aksidenteng naigo sa isyu nga armas niadtong Enero 16 mga ala 1:15 sa Tierra de Oro Subd., Barangay Macasandig, dakbayan sa Cagayan de Oro City.

Patay si Ever Cabaring, 34, kinsa guwardiya sa nahisgutang subdivision ug residente sa Alco Homes, Zayas, Barangay Carmen.

Nigawas sa imbestigasiyon nga padulong na sa pag-duty ug nag-ilis na ang guwardiya apan aksidente nga nahulog gikan sa iyang bag ang .38 revolver ug walay swerteng naigo ang iyang tiyan.

Dali pa nga gidala sa ospital apan patay na kini sa dihang nakaabot.

Ang patay nga lawas ang giatiman na sa nahabiling pamilya.