GISIRAD-AN sa Bureau of Internal Revenue (BIR) ang usa ka hardware human giingong dili mo-isyu og insaktong resibo sa Gusa Highway, dakbayan sa Cagayan de Oro.

Nagdala og closure order ang mga personahe sa BIR ug temporaryong gipasirad-an ang establismento tungod kay duha na kahigayon nga giwarningan ang tindahan human nakita sa surveillance nga dili mo-isyu og opisyal nga resibo.

Gawas niini, adunay P72 milyones nga wala gideklara ang maong establisamento gikan niadtong miaging tuig hangtod sa unang kwarter karong tuiga.

Mokabat sab sa P13 milyones ang buwis nga bayrunon sa kapitan.

Nasuta nga gipanag-iyahan ang hardware ni Brgy. 33 Kapitan Conrad Lim kinsa wala pa mihatag og reaksyon sa mga tigbalita.

Gikasubo sab sa mga empleyado ang kalit nga pagkasirado hilabina mao kini ilang gisaligan nga panginabuhian.

Malaumon silang ma-settle ra kini aron makabalik na kini sa operasyon.