LAPOK ug tubig ang nanggawas sa baba sa usa lalaki nga hubog human ni-ambak sa drainage ug nalumos mga alas 2:30 sa hapon niadtong Hulyo 15, 2018 sa Puntod, dakbayan sa Cagayan de Oro.

Dead on arrival sa tambalanan si Dindo Miole, 40, minyo, taga St. John Puntod ning siyudad.

Sa nahipos nga impormasiyon gikan sa Northern Mindanao Medical Center (NMMC) ning dakbayan, nasayran nga naligo si Miole niadtong higayona ug niambak sa drainage.

Niabot og mga upat ka oras una nakita ang biktima sa ilawom nga bahin.

Gisulayan pa nila kini sa pagluwas pinaagi sa Cardiopulmonary resuscitation (CPR) hinungdan nga nanggawas ang tubig lakip na mga lapok gikan baba ug ilong.