ANAA na sa 89.2 porsyento o kapin 500,000 ka bata ang nabakunahan gikan sa pagsugod sa "Sabayang Patak Kontra Polio" gikan sa Nobyimbre 25 ug hangtod sa Disyembre 3.

Anaa na sa 521,403 ka mga bata ang nabakunahan ug molungtad pa ang maong kampanya hangtod Disyembre 7.

Gibutyag ni Dr. Elma Oclarit, Department of Health (DOH)-Northern Mindanao family health cluster head, nga kaya kaayo sa nahabiling panahon apan naghangyo kini sa katawhan nga magtinabangay ug ang mga ginikanan nga pabakunahan ang mga kabataan.

Kampante ang DOH nga makab-ot ang target nga 95 porsyento nga mabakunahan sa padayong gipahigayong pagbakuna sa mga bata nga nag-edad og lima ka tuig paubos.

"I am very confident bisan pa og amo lage nga gi-project bisag 2 percent per day lang ta until December 7, makaya ra nato," matud ni Oclarit.