PATAY ang usa ka lolo nga gituohang gi-atake sa iyang sakit hinungdan sa pagkalumos niini niadtong Enero 15 sa Villa Ernesto, Phase II, Barangay Gusa ning siyudad sa Cagayan de Oro.

Napalgan na lang nga naglutaw sa dagat si Benedicto Roda, 60, bulag sa asawa, kinsa residente sa Tagoloan, Misamis Oriental.

Gibutyag sa igsoon sa biktima nga posibleng gi-atake kini sa gihambin nga sakit samtang naligo ug napalgan kini nga nagkulob na ug giingong nikulo ang dila niini.

Ang maong patay nga lawas ang gi-atiman na sa nahabiling pamilya karong mga panahona.