MALAUMON si Misamis Oriental Provincial Information officer Carlo Duga-duga nga unta dili mawala ang mga mainstream media apan unta mas mo-abante pa kini.

Kini ang usa sa iyang undanon nga pahayag atol sa Media Stakeholders Forum nga gipahigayon niadtong Huwebes, Disyembre 6, sa Country Village Hotel.

Matud ni Duga-duga nga nasubo siya nga kaniadto adunay mga higala sa prensa misango kaniya ug nipaabot nga kuno nagkahinay na ang mainstream media dunay discolated gumikan sa kakusog sa social media karong panahona.

Apan matud niini nga dili kawad-an og paglaum tungod kay dili mahimong mawala ang mainstream media tungod kay magpabiling mobarog ang mainstream media tungod sa editorial content niini.

“Ako nagatoo nga gumikan karon I will still playing both a civil servant and journalist because several years back nahimo sab akong presidente sa KBP ug among kampanya kaniadto kanunay mao ang maningkamot ang tanan broadcast ug print nga ipadayon ang pagpaningkamot aron madepensahan ang prensa ug kaluwasan niini.” Matud ni Duga-duga.

Dugang niini nga adunay mga butang nga dili mahimo sa social media lamang.

“Dunay butang nga dili mahimo sa social media apan mahimo natong I combine ang social media sa tagsa tagsa nato ka operation ug dili mahimo kining molabaw kaysa mainstream kay adunay naa kanato nga bililhon kaayo ug walay lain kondili ang editorial content nga naa kanato,” matud niini.

Malaumon usab kini nga unta ang mainstream media dili gyod magpapilde sa social media.