GIPANGITA pa ang usa ka mananagat nga nanginabuhi pinaagi sa pagpangisda niadtong Pebrero 14 sa alas 5 sa hapon sa Barangay Molugan, dakbayan sa El Salvador, Misamis Oriental.

Ang El Salvador Police Station miila sa biktima nga si Primitivo Montebon, 56, kinsa residente sa susamang barangay.

Sa report, nasuta nga kining biktima nanagat niadtong tungora apan mao na lamang gikakurat sa ilang kabanay nga wala na kini makauli ug nakita ang iyang sakayan nga nataob ug wala na ang biktima.

Gituohang gihampas kini sa dako nga balod ug wala na makasakay ug balik apan malaumon ang pamilya nga buhi kining makita karong panahona.

Nanawagan iyang pamilya nga kung kinsa ang makakita niini motawag dayon sa cellphone number nga 09751198833 aron masayod deretso ang pamilya.