NAPALGAN nga wala na'y kinabuhi ang usa ka manghihilot sa kasagbotan sa alas 6 sa buntag, Lunes, Pebrero 18, sa Barangay Patag, sa siyudad sa Cagayan de Oro.

Sa inyal nga imbestigasyon sa kapulisan walay nakitang foul play sa kamatayon ni Felizardo Lompenay, 52, minyo, residente sa dapit.

Gibutyag sa kapulisan sa Police Station 4 sa Carmen pinaagi kang Senior Police Officer 4 Fernando Laspona, imbestigador nga gituohang giatake si Lompenay sa gihambing niini nga sakit.

“Wala'y foul play, posible gi-atake,” matud ni Laspona.

Sa pagsulat niini nga balita padayon pa ang kapulisan sa imbestigasiyon. (KCS)