NAGHANGYO ang kapulisan sa Cagayan de Oro Police Office (Cocpo) nga dili nalang magsul-ob o magdala og mga butang nga ginadili atol sa dagkong kalihokan sa siyudad ilabi na sa street parade karong umaabot nga Agusto 25.

Nagpagawas og pahimangno ang kapulisan sa mga ginadili sama sa pagsuot og sunglasses, pagsul-ob og jacket, pagdala og backpack, pagkalo ug pagpayong ug pagpalupad og drone nga walay panugot gikan sa kapulisan.

Sa pakighinabi sa SunStar Superbalita kang Police Major Evan Viñas, tigpamaba sa Cocpo, nga ila nga sitahon sa kalmado nga pamaagi.

"He or she will be holistically approached by the PNP personnel po," matud ni Viñas.

"Oo ato tambagan ato mga higala nga dili nalang mag suot sa mga ginadili kay madelatar ila paglipay-lipay during sa street parade," dugang pa.

Gitakda usab nga atol sa maong kalihokan i-implementar sa Cocpo ang signal jamming o pagkawala sa signal alang sa seguridad sa kalihokan sa kapistahan ni San Agustin.