GIKASUBO ni Misamis Oriental Governor Yevgeny Vincente Emano ang kamatayon sa tulo ka mga lalaki nga taga Villanueva, ning probinsya nga gipangsalbids apan gilambigit ilang kamatayon sa mga personahe sa Tagoloan Police Station.

Matud ni Emano nga mohulat siya sa imbestigasyon sa Misamis Oriental Provincial Police Office sa pagpangulo ni Provincial Director Rolando Destura kon unsay imbestigasyon nila niini.

“I would like to leave it to Provincial director Destura sa pagpahigayon sa iyang imbestigasyon. Kung makita nga sayop na wala tay mahimo kay ang mando man sa Presidente atong tumanon nga kung he did it in line of duty, he will protect and defend it apan kung nakita nga dili siya in line sa duty you will have to answered for what you did,” pahayag ni Emano.

Kahinumduman nga ang patay’ng lawas nila Clifford Abales, 21; Vincente Benin, 24; ug Don Raymar Andales, 23, pulos mga residente sa lungsod sa Villanueva, gibabag sa mga pamilya sa police station sa Tagoloan ug sa pagkakaron nga humana ang lubong niini dili diri matapos ang ilang pakigbisog nga mahatagan og hustisya ang kamatayon sa tulo ug gikatakdang modangop na sila sa Commission on Human Rights.

Hugot sab nga gihimikak sa Tagoloan police ang ilang kalambigitan niini. (SVB)