TULO ka mga lalaki ang gibalhog sa prisuhan human nangawat og patatas sa Barangay Kibenton, lungsod sa Impasug-ong, Bukidnon.

Ang mga dinakpan giilang sila si Bernie Megabio, 21, ulitawo, taga Villanueva, Misamis Oriental; Herohito Unlayan, 25, minyo, taga Z-2, Brgy Kibenton, Impasugong, Bukidnon ug Conrado Sawalan, 26, ulitawoc, residente sa susamang dapit.

Sa imbestigasyon sa kapulisan nasuta nga ang Barangay Kapitan nga si Noel Roxas sa Brgy. Kibenton, Impasugong, Bukidnon nagturn-over niining mga dinakpang suspek human giingong nangawat og tulo ka sako nga patatas nga adunay gibug-aton 3 ka sako, moabot kini og 150 kilos nga mobalor og P3,750.

Nasuta nga ang patatas gipanag-iyahan ni Renren Francisco ug nadiskubre wala na kini sa iyang umahan.

Boluntaryong mitahan ang mga suspetsado human kini sila nasapon sa ilang gibaligyaan nga dili ilaha ang gibaligya dihang daan na nagtip ang tag-iya nga siya nawad-an og sinakong patatas.