ANG Kapitolyo Probinsyal ang napili nga iko-ordinar sa buhatan sa Department of Tourism (DOT)-Northern Mindanao aron ilusad ang “orange your icon” dinhi sa rehiyon.

Kini magbutang og suga nga kolor orange agi og suportahan ug pakigbisogan ang katungod sa mga kababayen-an.

Imbes magbutang og mga colorful light ang kapitolyo ilang gipili nga color orange nga mga suga agi og pagpakita og suporta batok pagpangabuso sa mga kababayen-an sa rehiyon.

Atol sa inaugural lighting nga gipahigayon sa kapitolyo nihatag og mensahe si Josephine Roque gikan sa DOT-Northern Mindanao diin dinhi iyang gipasabot nganong kolor orange ang palibot.

“Daghan nakapangutana nganong kalit nagka-orange atong wall sa provincial government building. Orange represents hope and future free from violence against women and girls,” matud ni Roque.

Gipasabot niini nga ang DOT kauban ang inter-agency committee on gender and development focal point system ang nakig-partner sa Philippine Commission on Women aron maglusad og 18 ka adlaw nga kampanya gikan sa Nobiyembre 25 ngadto Disyembre 12 ning tuig sa tibouk nasod aron mapalapdan ang adbokasya sa awareness nga malikayan ang pagpangabuso sa kababayen-an.

Niaging mga katuigan, nagbutang sila og “orange your icon” ug napili ang Iligan City samtang nauna pa nga mga tuig sa Misamis Occidental.

Unang higayon kini dinhi sa Misamis Oriental ug mapasalamaton ang DOT sa pakigtambayayong sa kagamhanang probinsyal.

“This advocacy initiative aims to raise awareness and conciousness in unending vow in ‘oranging’ famous and prominent tourism sites in the country and hope to convey a message and encourage gender responsiveness in Philippine tourism which among others endeavors safe and not exploitative tourism activities,” matud ni Roque.

Ning tuig, ang tema niini mao ang: “Violence against women free community starts with me.”