MOKABAT sa P6 milyon ang damyos sa sunog sa munisipyo sa Damulog, Bukidnon.

Unom ka mga fire truck ang miresponde dihang miulbo ang dakong sunog sa munisipyo nga nahimutang diha sa Purok 3 Brgy Poblacion, Damulog Bukidnon.

Nqgsugod ang pagdilaab mga alas 5:00 kapin sa hapon adlawng Domingo, Hunyo 7, 2020, ug miabot sa ikaupat nga alarma.

Gideklarar nga fire out mga alas 6:30 sa gabii.

Ang mga imbestigador nga mao si FO2 Marlo P. Campaner ang padayon pa sa pag-imbestigar karon panahona unsay hinungdan sa pagkasunog.