DAKONG kawad-on sa University of Science and Technology of Southern Philippines (USTP)-Claveria ang pagkamatay sa presidente sa university nga Dr. Ricardo Rotoras diin mag-usa ka tuig na sukad kini gipusil-patay.

Sa pakighinabi ngadto na kay Doctor Eric Randy Politud sa USTP-Claveria nga dako gayud nga kawad-on ang kamatayon niini gumikan kay nasayod man kini sa tanan ilabi na nga ulo usab kini sa Philippine Association of State Universities and Colleges.”

“Dako to siya ga loss sa university apil sa amoa tungod kay siya gyud tanan nakabalo sa pag conceptualize gyud, Dr. Rotoras was a very effective leader, murag bag-o pa sa amo, nasa transition period pa man gud” matud ni Politud.

Nasayran nga usa sa mga major campuses sa USTP mao ang Claveria ug dinhi sa siyudad sa Cagayan de Oro ug ang uban niini mga satellite campuses lamang sama sa Oroquita, Panaon, ug Jasaan.

Giingong ang pwedi nga mamahimong officer in-charge human sa pagkamatay ni Rotoras mao chancellor nga gagikan sa Claveria ug sa Cagayan de Oro.

“He was a great loss diri gyud sa Claveria, mao si sir grabe double time, gamay raman mi diri to lead the whole system ang Cagayan de Oro dako biya nga eskwelahan, sa pagkakaron wala’y chancellor diri, OIC siya raman gihapon mao na kumbate pud si sir,” dugang ni Politud.