GIPAHIBALO ni provincial agriculture officer head Apollo Pacamalan nga bulan sa Disyembre gitakdang magsugod ang operasyon sa Oolong tea processing center sa Barangay Kalagonoy, Gingoog City.

Matud ni Pacamalan nga ang processing center gitakdang mag operate karon umaabot bulan sa Disyembre.

“By December operate na ang planta sa Oolong tea nakaabot na ang mga machine pang mechanized gikan sa DTI ang building nasugdan na og himo og hopefully by 90 days mahuman na by 1st week,” matud ni Pacamalan.

Gibutyag niini nga dinhi mag-operate na dayon og insakto ang tea processing center building.

Gipasabot niini nga gihingusgan nila ang Farm Tourism nga tunga-tunga sa plantasyon sa Oolong tea processing center ma overlook ang nindot nga kabukiran sa palibot ug Macajalar Bay.

Gipasalamatan sab ni Pacamalan ang kagamhanan karon ni Gingoog City Mayor Erick Cañosa ug Vice Mayor Peter Unabia nga suportado ang panginabuhian sa katawhan sa Kalagonoy pinaagi niining plantasyon sa Oolong tea.

“Malipayon kita sa liderato sa Gingoog suportado kaayo nila ang Oolong production in fact sa among paghisgot hisgot ang city government mag invest sa expansion sa nursery sa Oolong,” matud ni Pacamalan.

Gihingusgan ni Misamis Oriental Governor Bambi Emano ang pagpalambo sa Oolong tea tungod kay ang lalawigan lamang sa Misamis Oriental ang nagbaton og plantasyon nga dako og benipisyo sa panglawas.