ANDAM mohimo og lakang ang Sangguniang Kabataan (SK) sa Misamis Oriental aron malikayan ang pagpakatap sa pekeng balita diha sa social media.

Atol sa bag-o lang nga paglusad sa Provincial Communication Officer Network (PCO-Net), gibutyag ni Kenneth Soldevilla ang SK federation president sa Misamis Oriental nga kinahanglan niya ang suporta gikan kang Governor Yevgeny Emano lakip sa Sangguniang Panlalawigan.

“Empowerment comes with awareness. So we cannot empower them if we cannot see the very basic things if dili sila kabalo unsaon pag identify sa fake news ug dili mao nga mangayo mi ani og suporta gikan sa atong local nga kagamhanan,” butyag niini.

Aron pakigbatokan ang fake news gikatakda silang molusad og og mga kabataan nga tawgon ug social influencer.

“Someday mag launch mi og social media influencer nga makatabang nako mag serve aron magsilbi nga ambassadress nga magpokos sa pakigbisog batok sa fake news.” matud ni Soldevilla.