KULBAHINAM nga tinagakay ang mag-abot karon alang sa katapusang duha ka semifinal slots sa under-17 boys pagpadayon sa 2nd CdeO inter-Public School Basketball Tournament adlawa’ng Sabado sa West City Central School covered courts.

Nag-una na ang Cagayan de Oro National High School o City Tigers ug ang Talakag National High School Highlanders sa semifinal.

Mabutang nga duha nalang ka dulaan ang mag-ilog sa kataposang duha ka silya.

Magsangka ang Macasandig National High School Southern Stars ug ang Iponan National High School Red Knights sa alas-10 sa buntag.

Samtang, mag-abot ang Misamis Oriental General Comprehensive High School Cavaliers ug ang Carmen National High School Thunders sa alas-11 sa buntag.

Sugdan tanan dula karon sa alas-utso sa buntag tali sa City Central School Stingers ug South City Central School baby Southern Stars sa elementary division.

Sundan dayon sa ladies division tali sa Indahag National High School lady Skyhawks ug Carmen NHS lady Thunders sa alas-nuwebe sa buntag.