GIDAGSA sa katawhan ang Kapuso star sa bag-ong telebabad nga Cain at Abel human nibisita sa Cagayan de Oro niadtong Nobiyembre 30.

Nibisita ang leading actors nga sila si Kapuso Primetime King Dingdong Dantes ug Kapuso Drama King Dennis Trillo kauban ang multi-talented nga si Kapuso actress Solenn Heussaf ug leading lady nga si Sanya Lopez, ug nahatagan og kahigayonan ang mga lokal nga media sa paghimamat niini diha sa Cucina Higala ron na usab mapaabot sa Kagay-anon ang bag-ong palabas diha sa telebisyon.

Sa wala pa usab ang maong panagtigom, ang Cain at Abel cast nibisita sa Barangay Luyong Bonbon, Opol alang sa Kapuso Barangayan diin gidagsa usab ang mga Kapuso viewers.

"We know that it's not every day that they get to see their favorite stars up close. So we are excited to bring to them Dingdong and Dennis -two of the country's top actors. This is still our way of giving back to our loyal Kapuso in the regions who continue to support and inspire us throughout the years" matud ni Oliver Amoroso, GMA Regional TV Vice president ug head.

Nasayran nga nagsugod na ang maong GMA telebabad, action-family drama niadtong Nobiyembre 19. Managsoon si Daniel (Dingdong) ug Miguel /Elias (Dennis) apan nagkabulag sa dihang mga bata pa nidagko dakong kalainan sa estado sa kinabuhi.

Samtang si Abigail (Solenn) usa ka adventurous lover ni Daniel ug si Margaret (Sanya), usa ka ma prinsipyo, responsable nga hinigugma ni Elias.

Nag-aghat usab ang mga Kapuso stars sa pagsubaybay sa maong telebabad diin makahatag og leksiyon kalabot na diha sa pamilya.