DEAR Tita Heart

Ako si Leny, ang akong problema tita bahin sa akong uyab nga namugnaw na sa ako pagtagad. Bag-o lang nako gihatag akong kaugalingon sa iya tita. Dugay na niya gipangayo pero mahadlok ko. Murag nalain siya tita nga dili nako virgin, nakuha ko before sa akong ex nga minyo na karon. Tita love kaayo nako akong uyab ug dili ko gusto mawala siya. Unsa akong buhaton aron mobalik iyang pagtagad sa akoa.

Leny,

Hello Leny,

Wala ka kabantay nga dayag ang sex lang ang giapas sa imong uyab kanimo? Human lang niya makuha iyang gusto ingon ana na iyang tinagdan? Mas worst pa kay bugnaw siya pagkahibalo dili naka virgin. Dapat unta sa wala pa nahitabo sa inyo nisulti ka daan nga nakuha naka before aron dili siya moasa, wala pod ka nagpa as if nga never been touched paka? Duna man gud mga lalaki nga particular gyod kaayo sa virginity sa usa ka babae kay proud man gud na sila nga sila maoy makauna sa babae. Siguro iyang gibati karon na disappoint siya. Ang imong buhaton pod imong pasabton apan kung dili madala og pasabot, kadaghan sa lalaki nga andam modawat kung kinsa paka ug ayaw nalang ipamugos imong kaugalingon.

Tita Heart