DEAR Tita Heart,

Maayong adlaw kanimo tita ug ingon man sa mga suki sa SuperBalita. Tita tambagi ko kay akong uyab gibulag gyod mi sa akong mama. Akong edad 16 anyos pa ug akong uyab 21 anyos na. Unsa akong buhaton tita nga love kaayo nako akong uyab ug andam niya nga magminyo naming duha. Kinsa akong tumanon?

Raiza

Hello Raiza,

Hangyo ko kanimo tumana ang imong inahan kay siya ang mas nakabalo sa nakaayo kanimo. Bata pa kaayo ka ug imong edad gatungha pa. Paghuman sa imong pagswela kay kanang gugma makahulat ra gyod na. Basin unya kon unahon na nimo imong gibati imo nang basulan sa ulahi. Ayaw og tuman sa imoha kay wala pakay gahom aron magsolo sa kaugalingon. Huna-hunaa imong inahan nga nagpadako kanimo ug niatiman sukad sa imong pagkabata unya dili nimo tumanon kay pilion ang lalaki. Pasabta ang imong uyab nga maghulat sa insaktong panahon.

Tita Heart