WALA aprubahi sa Philippine Basketball Association (PBA) ang paglakip sa Phoenix Super LPG Fuel Masters sa pangalan ni Calvin Abueva sa ilang 25-man lineup nga mosulod sa “bubble” setup sugod karong Oklubre 11, 2020 sa Clark, Pampanga.

Wala pa malibkas ang indefinite suspension nga gipahamtang sa PBA ngadto sa gitawag og The Beast hinungdan nga dili kini puwedeng makaduwa sa bubble.

“Because of Calvin’s current status, we can only submit a 24-man lineup at the moment,” matod ni Phoenix team manager Paolo Bugia sa interbyu sa Spin.ph.

Nahuman na man tuod ni Abueva ang tanang mga kinahanglanon aron makabalik siya og duwa apan wala pa’y desisyon nga gipagawas ang PBA.

“Appealing for reinstatement is still an ongoing dialogue,” batbat ni Bugia.

“So 24-man muna kami. We are still awaiting final word from the PBA and still hopeful a decision will come before the opening.”(ESL)