Usa ang naangol sa pagkasunog sa upat ka mga balay sa Avocado st., Unit 2, Opra, Barangay Kalunasan, Dakbayan sa Sugbo.

Ang sunog gialarma mga alas 11:40 sa buntag sa Miyerkules, Hunyo 16, 2021 sa Cebu City Fire Office.

Nagsugod ang sunog sa balay ni Edgar Estrella Sr., 70, kinsa nakaangkon og 2nd degree burns sa tuong bukton ug tuong buko-buko.

Matod sa pipila ka mga residente sa dapit nga nahinabi sa Superbalita Cebu nga nakadungog sila og duha ka mga buto sa wa pa moulbo ang kayo.

Nikatap ang kayo sa laing tulo ka mga balay, apan usa ra ini ang naugdaw samtang ang usa nakan-an ra.

Upat ka mga pamilya nga gilangkuban sa 20 ka mga tawo ang apektado sa sunog nga nagbilin og P600,000 nga danyos.

Ang sunog under control mga alas 12:09 ug hingpit nga napawong sa mga alas 12:14 sa udto. (REV)