Usa ka 22-anyos nga lalake gibunalan og pala sa 68-anyos nga lolo sa Sitio Atsa, Brgy. DAS, Dakbayan sa Toledo niadtong Dominggo, Nobiyembre 29, alas 8 sa gabii.

Si Justin Rey Terante, 22, ulitawo, nalandig sa tambalanan human nakaangkon og samad sa ulo ug tangkugo.

Samtang, gipusasan ang suspek nga si Germiano Camonego, 68, silingan ni Terante.

Si Police Staff Sgt Alexander Consul sa Toledo Police Station, nagkanayon nga si Terante naglakaw sa daplin karsada.

Si Camonego nag-inom uban sa iyang mga higala nga nag-videoke daplin sa dalan.

Sa paglabay ni Terante, gipunit ni Camonego ang pala ug gipuspusan sa ulo ug tangkugo si Terante.

Usban pa unya ni Camonego sa pagbunal sa pala pero napugngan siya sa higala.

Si Camonego nasuko sa mga bugalbual ni Terante. (GPL)