Balita

57 ka mga driver wa mag-social distancing

Herty B. Lopez

MOABOT sa 57 ka mga driver sa pampubliko nga mga sakyanan ang naisyuhan sa Land Transportation Franchising and Regulatory Board (LTFRB) 7 og Inspection Report Summon (IRS) human wala kini mipatuman sa social distancing nga lagda sa Department of Transportation (DOTr).

Matod ni LTFRB 7 Regional Director Eduardo Montealto nga sa 57, anaa sa 55 ang jeepney drivers, duha ang driver sa van.

Base sa guidelines sa DOTr sa social distancing sa mga public utility vehicles (PUV), kinahanglan nga katunga na lang sa naandan nga kapasidad ang pasahero karon sa jeep subay sa hulga sa Covid-19.

Usa sa gihimo sa LTFRB 7 kining pag-isyu og IRS kon maaktohan ang driver, nagpasakay o puno ang gimaneho niini nga jeep.

Hatagan kini og 72 ka oras aron i-contest ang summon, apan kon di kini mosupak, pahamtangan kini og multa nga P5,000.

Dugang ni Montealto nga mao pa kini ang unang kalapasan, modoble kini sa ikaduhang kalapasan niini ug mo-triple o P15,000 ug suspensyon sa prangkisa.

Kon di gihapon kini mopatuo o nagsige na ang kalapasan niini, tangtangan na kini og prangkisa.

“Breach of Franchise” ang kalapasan sa driver niini kon di motuman sa social distancing nga gimando sa DOTr.

Bisan paman niini, gipahibawo ni Montealto nga daghan ang ni-comply nga driver sa social distancing.

Niabot sa 413 ka PUV drivers ang nituman sa social distancing sugod niadtong Martes, Marso 17 hangtod alas 8 sa gabii Marso 19.

Sagad usab sa nituman sa mando kining mga jeepney.

Gibutyag ni Montealto nga ang mga pasahero mismo ang mo-text o mopahibawo sa LTFRB nga nilapas ang driver sa social distancing.

Sagad sa mga nadakpan anaa sa dakbayan sa Sugbo ug Talisay.

image

Comelec mulls further limiting substitution due to withdrawal 

PRC to licensure examinees: Only 1 non-programmable calculator per examinee allowed

Magnitude 6 quake rocks Dulag, Leyte

CBCP issues Oratio Imperata to plea for rain

Police officer, suspect dead in gunfight