SA MIAGING duha ka mga adlaw, nakatala ang Dakbayan sa Sugbo og daghang recoveries sa coronavirus disease (Covid-1) kon itandi sa mga tawo nga natakboyan.

Gipahibawo ni manlalaban Rey Gealon, spokesperson ni Mayor Edgardo Labella, nga ang City Health Department (CHD) nakatala og 77 ka recoveries kun laboratory negative kagahapon, Mayo 28,2020.

Sila nagagikan sa Barangay Luz (62); Bacayan (8); Suba( 3); Punta Princesa (3); ug Labangon (1).

Sa kinatibuk-an, niabot na og 471 ka mga individual ang naulian na gikan sa mao nga sakit.

Sa samang adlaw, ang CHD nipahibawo nga adunay 42 ka bag-ong mga kaso sa Covid-19 sa dakbayan.

Sa niaging duha ka adlaw, nakatala ang dakbayan sa Sugbo og daghang recoveries itandi sa mga tawo nga natakboyan sa Covid-19.

Ang mg akaso nagagikan sa Barangay Tejero (2); Sambag 2 (3); Tisa (1); Inayawan (1); Ermita (1); Basak Pardo (1); Mambaling (1); Sawang Calero (1); Pahina Central (1); Duljo (1); Suba (3); Pasil (22);duha gikan sa Cebu City Jail samtang dunay usa nga wa pa masusi ang address.

Si Labella, sa iyang bahin nihulagway nga maayo kining tilimad-on sa dakbaya sanglit niadtong Mayo 27, niabot og 164 ka mga Covid positive ang nagnegatibo na.

Nanghinaot ang mayor nga magpadayon nga mas daghan ang recoveries itandi sa mga mataptan sa virus matag adlaw. (PAC)