MOKABAT sa 803 medical ug non-medical personnel magsugod na sa pagtrabaho sa Cebu Provincial Government karong Oktubre 1, 2019 ubos sa outsourcing nga eskima.

Ang bids and awards commitee (BAC) niluwat na og notice of award sa Manila-based LBP Services Corp. niadtong Septiyembre 10 human nigawas nga labing ubos nga bidder alang sa P259.6 milyunes nga kontrata sa supply sa Capitol sa medical ug non-medical personnel.

Ang BAC vice chairman ug Provincial General Services Office (PGSO) OIC Bernard Calderon nagkanayon nga bugtong mabilin buhaton alang sa outsourced employees sa dili pa ang pagsugod sa trabaho mao ang pag-aprobar sa Provicnial Board (PB_ sa resolusyon nga nag-authorize kang Gov. Gwendolyn Garcia sa pagsulod sa kontrata tali sa LBP alang sa Capitol. Ang resolusyon tukion sa sisyon sa PB karon, Sept. 23. (SSD)