ANG Central Visayas nitala na usab og kinatibuk-ang 827 ka dugang Covid-19 recoveries sa Biyernes, Agusto 7, 2020, nga nidala sa kinatibuk-ang gidaghanon sa naulian ngadto sa 11,446 sa tibuok rehiyon.
Ang Department of Health-Central Visayas (DOH 7) nitala og 137 ka bag-ong mga kaso nga nidala sa kinatibuk-ang aktibong mga kaso ngadto sa 4,676 sa rehiyon sa Biyernes.
Sa kinatibuk-ang aktibong mga kaso, 1,825 natala sa Cebu City; 926 sa Mandaue City; 706 sa Lapu Lapu City; 757 sa Cebu Province; 34 sa Negros Oriental; 44 sa Bohol; ug usa sa Siquijor.
Ang Siquijor dunay duha ka kinatibuk-ang mga kaso. Usa lang ka kaso ang natala sa DOH 7 kay ang laing kaso giihap sa Navotas, Manila diin ang swab test result sa pasyente gi-relerease. (WBS)