ORMOC CITY - Hingpit ng natapos sa Department of Public Works and Highways (DPWH) sa kwatro distrito sa Leyte ang pag ayo sa Ormoc City Airport Terminal.

Sa sunod buwan ipahigayon ang turn over ceremony sa P82.123 milyones nga airport terminal. Ang maong terminal naguba human sa supertyphoon Yolanda niadtong 2013.

Sa miaging tuig, atol sa pagbisita ni Presidente Rodrigo Duterte gigahinan og pundo ang pag-paayo sa terminal diin gisugdan kini niadtong Pebrero ning tuiga.

Dako og panlantaw ang kadagkuan sa dakbayan nga sa subling pagbukas sa airport terminal mas daghan pa unyang mga bisita ang modagsa. JKDP