Naalarma ang usa ka opisyal sa City of Talisay-Traffic Operations and Development Authority (CC-TODA) sa nagkadaghang disgrasya sa mga sakyanan sa Cebu South Coastal Road (CSCR).

Si Jonathan Tumulak, CC-TODA head, niingon nga ang ilang datus nagpakita nga sulod sa unang quarter sa tuig, ang kinatibuk-ang ihap sa mga aksidente sa sakyanan mo-average og 200 matag buwan, 10 porsiyento nga usbaw, alang lamang sa unang quarter, itandi sa rekord sa miaging tuig.

Matod niya nga sa Enero, adunay kinatibuk-an nga 210 ka mga aksidente.

Sa Pebrero nisaka kini ngadto sa 205 ug nisulbong pa sa Marso ngadto sa 224. (AML)