LAING condominium project nga maabot sa kasarangang pamilya ang tukuron sa Amaia Land sa Plaridel St., eskina U.N. Avenue, Alang-Alang, dakbayan sa Mandaue.

Pormal kining ilusad sa sunod buwan, Marso, ug mosunod ang pagsugod sa trabaho sa Tower 2 sa ulahing bahin ning tuig 2018.

Samtang, ang Amaia Steps Mandaue Tower 1 nga nahimotan sa samang dapit bag-ong nahuman ug puno na sa okupante.

Ang Tower 2 adunay 288 ka units ug ang kinatibuk-proyekto mokabat og P1.23 bilyunes diin dunay tulo ka managlahing gidak-on sa units sama sa Studio (P2.8 million), De Luxe (P4 million) ug Premier (P5 million).

Kompleto sa pasilidad sa sama sa swimming pool, parking area, elevators ug uban pa lakip sa 24-oras nga sistema sa seguridad.

Si Grace Calingasan Quinto, Amaia Land Project Development Head for Vismin, niingon nga maayo na kining tanyag alang sa affordable condominium ug accessible nga dapit ug duol sa airport, malls, mga ospital, simbahan, tunghaan ug ubang importanteng lugar nga kasuroyan.

“For Aapiring homeowners in Cebu, Amaia Steps Mandaue Tower 2 signifies new beginnings and a chance to settle down in our very spaciois, well-designed units are very affordable prices” matod ni Quinto.

Sa pagkakaron, dili kini mahimong makuha pinaagi sa PAG-IBIG apan daghang banko nga nagtanyag og pautang o bank financing ug cash ug deferred cash (pag-isyu sa post-dated checks).

Ang reservation fee naa sa 10 porsiyento sa kinatiuk-ang presyo ug pwede bayran sulod sa 38 ka buwan. Ang banabana nga maximum monthly amortization sa Studio Unit naa sa P8,300 matag buwan.

Si Quinto niawhag sa mga pumapalit nga magreserba na samtang naa pa kini sa pre-selling nga presyo. (PR)