LAWAAN, Eastern Samar - Naaksidente ang usa ka ambulansya ug usa ka pribadong sakyanan sa highway sa Barangay Guinob-an ning lungsod alas 11:30 sa buntag, Lunes, Mayo 20, 2019.

Ang ambulansya gipanag-iya sa Provincial Government sa Borongan, Samar, samtang ang Toyota Innova iya sa usa ka Jake Hanns Merro.

Ang ambulansya gimaneho ni Carlito Bagas, 57, dunay lisensya, sakay ang pasyente nga si Winefredo Caraga, 69.

Kauban ni Caraga sila si John Del Caraga, 16, ug Ryan Cabral, 35, pulos taga San Julian, Eastern Samar.

Samtang ang nagmaneho sa Innova mao si Larry Sichanek, 69, usa ka American citizen, nagpuyo sa Lawaan.

Base sa inisyal nga pagsusi sa kapulisan sa Lawaan pinangulohan ni Police Senior Master Seargent Sammy Dalina, pareho og direksyon ang duha ka mga sakyanan.

Pag abot sa lugar nga nahitaboan, padung moliko sa wala ang Innova nga naka signal light.

Ni-overtake ang ambulansya nga naka on ang blinker, apan na side-swipe niini ang nauna nga sakyanan.

Tungod sa kakusog sa impact, naguyod ang duha ka mga sakyanan sa parehong direksyon nibangga sa poste ang ambulansya. (JKDP)