LIMA ka mga tawo ang nangaangol human sila nabanggaan sa usa ka awto sulod sa restobar sa Escario street, Barangay Kamputhaw, Dakbayan sa Sugbo, Miyerkules sa kaadlawon, Agusto 7, 2019.

Mga sakop sa Cebu City Police Station 2 niila sa driver nga usa ka Kathleen Kyle Balagon, 24, molupyo ning siyudad.

Samtang mga biktima giilang sila si Vaness Bacalso, 20; Bhern Alvez, 27; John Laurence Naingue, 23; Emmylou Leona Satorre,24; ug Mark Kenneth Calog, 29.

Si P/Staff Sergeant Josephroy Gucela, imbestigador, niingon nga si Balagon diha sud sa awto ug padung na mobiya sa bar dihang nahitabo ang aksidente.

“She was at the parking area. Based on our initial investigation, she maneuvered to the left side, towards the exit, but was not able to recover to the right side afterwards. She said she was still stepping on the accelerator causing her to accidentally hit the table where the victims were,” sulti niya sa SunStar Cebu. (WBS)