SA 312 ka mga pasahero nga sakay sa usa ka barko gikan sa Manila, usa niini gikonsiderar nga Person Under Investigation (PUI) kay gihilantan.
Matod ni Cebu City Health officer Dr. Daisy Villa, usa ka babaye nga taga lungsod sa Tabogon, amihanang Sugbo dunay hilanat base sa thermal scan.
Ang iyang temperatura moabot og 38.4 degrees Celsius.
Gidala dayon siya sa usa ka pasilidad alang sa mga PUI, apan itugyan siya ngadto sa Cebu Provincial Government aron sila na ang modeterminar asa siya sa papuy-on. (BBT)