ISABEL, Leyte - Gitugyan sa Department of Public Works and Highways (DPWH) sa kwatro distrito sa Leyte ang bag-ong school building sa Isabel National High School.

Ang school building duha ka andana ug matag andana dunay tulo ka mga classroom.

Matod ni District Engineer Lino Gonzales, ang school building hiniusang proyekto sa Department of Education (DepEd) ug DPWH.

Ang school building dunay gigastuhan sa kinatibuk-ang kantidad nga P11,380,301.31 ubos sa Basic Education Facilities Fund of 2017 sa DepEd ug giimplementar sa DPWH.

Dugang ni Gonzales, ang maong school building maka accomodate og 300 ka mga estudyante.

Dako ang panlantaw ni Gonzales nga pinaagi ning maong proyekto, makunhoran ang mga classroom nga naghuot ang studyante.

“This convergence project between DPWH and DepEd demonstrates that coordination is needed in order to build quality school building infrastructures and facilities for every Filipino students, “ matod ni Gonzales.

Dugang ni Gonzales nga daghan pang classroom projects ang ilang i-implementar sa 2019 lukop kwatro distrito.

Usa sa mga suliran sa DepEd kada bukas sa mga klase mao ang kakuwang sa mga classroom hinungdan nga dunay mga dapit nga nagpatuman og managlahing oras sa klase. (JKDP)