MAAYO magdala og payong ug butang nga manalipod batok sa uwan ang mga tawo nga motambong sa sea-borne ug solemn processions karong Sabado, Enero 19, ug Sinulog grand parade karong Dominggo, Enero 20.

Ang weather bureau nga Pagasa nipahibawo nga ang low pressure area (LPA) nga nasigpatan gawas sa Mindanao, hayan mahimong tropical depression ug magdala og pag-uwan sa Sugbo.

Ang LPA nga naa sa 1,300 kilometros sa silangan sa Mindanao kagahapon ug mosud sa Philippine Area of Responsibility, tawgon og “Amang”, namahayag si Engr. Alfredo Quiblat, acting chief sa Pagasa Mactan. SCG