Ang Cebu City Government mosugod na sa ilang pagpamakuna sa mga menor de edad gikan sa 12 hangtod 17 anyos sa edipisyo nga gipanag-iya sa Vicente Sotto Memorial Medical Center (VCMMC) Oktubre 29, 2021.

Si Dr. Jeffrey Ibones, pangulo sa City Health Department (CHD)nagkanayon nga ilang unahon sa pagbakuna kadtong mga bata nga adunay comorbidities o sakit.

Matod ni Ibones, 100 ka mga minors ang ilang bakunahan karong adlawa nga adunay comorbidities gikan sa kapin 900 ka minors nga nagpalista pinaagi sa Pabakunata.com.

Ang mga bata nga adunay comorbidities kinahanglan nga dunay medical certificate ug magdala og identification card ang ilang ginikanan kinsa maoy mouban kanila atol sa vaccination gamit ang Pfizer vaccine.

Gipahibawo ni Ibones nga niabot na og 7,600 ka mga batan-on ang nagpalista kansang mga ginikanan nisugot na nga bakunahan.(PAC)