DUNGAGAN og 120 ka fire personnel ang Bureau of Fire Protection (BFP) 7 sa dili pa mahuman ang tuig.

Mao kini karon ang gipangita sa ilang ahensiya aron mopuno sa kakuwang sa personnel sa maong bureau.

Mga engineer ug kahibawong mo-drive ang ilang prayoridad.

Matod ni BFP 7 Regional Director Fire Sr. Supt. Samuel Tadeo nga niabot na sa kapin sa 300 ka mga aplikasyon ang ilang nadawat diin ipaubos kini sa screening sa dili pa dad-on sa Laguna aron ipaubos sa training.

Gibutyag usab sa director nga aduna’y pipila ka mga kwalipikasyon sila nga gipangita susama sa height requirement ug sa pangedaron niini.

Sa pagkakaron aduna’y 1,667 ka mga fire personnel ang BFP 7 ug base sa standard nga ratio, kinahanglan og usa ka bombero matag 2,000 ka mga tawo.

Usa sa gipangita karon sa BFP mao ang mga engineers ug drivers.

Aduna’y hangtod Hulyo 1, ang gusto mo-apply pagka-bombero. (HBL)