ENTERTAINER sa usa ka club diha sa uptown area sa Cebu City ug asawa sa barangay tanod sa Suba ang apil sa lima nga nadakpan sa upat ka managlahi nga anti-drug operations sa sa kapulisan niadtong Lunes, Nobiyembre 25 nga naabtan og kadlawon sa pagkasunod adlaw.

Unang nadakpan sa gihimong buy bust operation sa mga sakop sa Regional Special Operations Group (RSOG)-7 ug RID -7 ang duha ka mga babaye, Marie Chris Mahusay, 25, dancer sa usa ka bar sa General Maxilom ave., Dakbayan sa Sugbo ug si Salome Minguito, 56, asawa sa tanod.

Nasakmit gikan sa duha ang gibana -bana nga 6 gramos nga shabu nga moabot sa kapin P40 ,000 ang kantidad.

Si PCapt. Joffrey Grande ang nangu sa operasyon, niingon nga ilang gipanid-an ang mga kalihukan ni Minguito.

Ilang nasuta nga involved sa illegal drugs hinungdan nga ila kining gi buy-bust.

Samtang si Mahusay, amiga ni Minguito nga kanunay mag adtoan sa balay niini aron mosuyop.

Sa laing hugna sa anti-drug operation, tulo ka gikatahapang drug pushers nangadakpan.

Mga suspek giila nga sila si Aline Leonado, 43, ug Paul Ledesma 25, pulos mga residente sa Sityo Lomar, Barangay Lorega San Miguel ning siyudad.

Nasikop sab uban kanila si Edna Diamante, 44, taga - Barangay Carreta.

Ang tulo nadakpan sa managlahi nga oras ug mga dapit.

Gipangulohan ni PCapt. Armando Labora ug mga sakop niini sa Drug Enforcement Unit sa Presinto 1 sa Parian Police ang operasyon.

Nasakmit gikan sa tulo ang moabot na sa 50 gramos nga shabu nga mokantidad sa og kapin sa P300,000 base sa Dangerous Drugs Board (DDB) value.

Matod pa ni Labora nga unang nadakpan si Ledesma nga nakahaan og 25 gramos.

Kasamtangang gitanggong si Mahusay ug Minguito sa Abellana Police samtang.

Ang tulo anaa sa Parian Police Presinto 6 gipangtanggong alang sa pagpasaka og kaso.

Ang kapulisan miandam na og kasong kalapasan sa Dangerous Drugs Act of 2002. (BBT)