Gitubag sa Department of Education (DepEd) sa Lunes, Septiyembre 19, 2022, ang mga isyu bahin sa zero-budget alang sa mga estudyante nga adunay espesyal nga panginahanglan ubos sa 2023 National Expenditure Program (NEP).

Sa usa ka pamahayag niadtong Lunes, Septiyembre 19, 2022, giangkon sa DepEd nga ang pundo alang sa espesyal nga edukasyon wala gikonsiderar sa 2023 NEP.

“This is a recurring circumstance every year, and DepEd is not at a loss because we always work with members of Congress to find other ways to fund DepEd programs,” matod niini.

Ubos sa 2023 NEP, P667-billion nga budget ang gigahin sa DepEd ug sa attached agencies niini.

Si Bise Presidente Sara Duterte-Carpio maoy kasamtangang kalihim sa DepEd.

Dunay P666,252,738,000 ang igahin sa Office of the Secretary isip suporta sa mga programa niini sa education policy development ug uban pa. / SunStar Philippines