SUGDAN na sa Lokal ng Kagamhanan sa Dakbayan sa Sugbo ang distribusyon sa financial assistance alang sa mga kwalipikadong senior citizen sa Septiyembre 25, 2021.

Sa giluwat nga Executive Order No. 144 ni Cebu City Mayor Edgardo Labella, house-to-house ang pagahimuon nga distribusyon.

Ang matag senior citizen makadawat og tag P3,000 alang sa mga buwan sa Hulyo, Agusto, ug Septiyembre.

Gihangyo ni Labella ang mga senior citizen nga magsul-ob og face mask ug mag andam og ballpen atol sa distribusyon. Giawhag usab nga magbutang og timailhan gawas sa ilang mga panimalay aron nga sayon ra ang pagtultol sa mga disbursing officer.

Kadtong dili maka-claim sa ilang financial assistance atol sa house-to-house distribution sulod sa 10 adlaw, gihatagan og lima ka adlaw aron pag claim sa ilang cash aid ngadto sa ilang tagsa tagsa ka mga barangay. (CLC)