Ang tsirman ug publisher sa mantalaang The Freeman, Jose “Dodong” Gullas, namatay sa alas 6:30 sa gabii, Pebrero 25, 2021 sa usa ka ospital sa Dakbayan sa Sugbo. Siya 87.

Gawas sa The Freeman, nagpadagan usab siya sa University of the Visayas, nga gipanag-iya sa ilang pamilya, nagpalambo sa natad sa arte ug musika ug aktibo sa mga kalihukan sa simbahan pinaagi sa Archdiocese of Cebu.

Wa ibutyag sa pahibawo sa mantalaan kon unsa ang namatyan ni Gullas.