Naa sa kritikal nga kondisyon nga gidala sa tambalanan ang usa ka drug surrenderer nga gipusil sa iyang silingan mga alas 7:40 sa Lunes sa gabii, Hulyo 19, 2021 sa sityo Proper, Barangay Lusaran, Dakbayan sa Sugbo.

Ang biktima giilang si Jayson Goc-ong, 37, mekaniko, nagpuyo sa lugar. Ngan sa suspek gipugngan sa kapulisan samtang gipahigayon ang hot pursuit operation.

Matod ni Police Major Alvin Llamedo, hepe sa Talamban Police Station, si Goc-ong nag-ayo sa iyang motorsiklo.

Niabot ang suspek sa likod ni Goc-ong ug namusil makatulo gamit ang wa pa matinong kalibre sa armas.

Naigo og maka usa ang tuo nga bahin sa ulo ni Goc-ong.

Human niini, daling nisibat ang suspek padung sa sapa ug wa na makit-i tungod sa kangitngit samtang si Goc-ong daling gidala sa ospital ug operahanan.(GPL)