CEBU. Si Janmell Benosillo, usa ka gituohang high-value target, napatay human misukol sa awtoridad dihang nagpahigayon og drug bust sa Barangay Gun-ob, Lapu-Lapu City alas 6:50 sa gabie Biyernes, Disyembre 7. (Gipaambit nga hulagway)
Balita
'Durugista' patay sa drug bust sa Lapu-Lapu City
PATAY ang usa ka gituohang high-value target sa gipahigayong drug bust operation sa kapulisan sa dakbayan sa Lapu-Lapu, Biyernes sa gabie, Disyembre 7.
Napatay sa mga awtoridad si Janmell Benosillo, alyas “kulot,” human giingong mibunot sa iyang revolver nga pusil dihang nakamatikod nga pulis ang katransakyon sa gipahigayong drug bust sa mga sakop sa Lapu-Lapu City Police Station 3 didto sa Barangay Gun-ob alas 6:50 sa gabie.
Narekober sa kapulisan ang revolver nga pusil ni Benosillo, tulo ka pakete sa gituohang shabu nga mubalor og P70,800, ug P1,000 nga marked money nga gigamit sa operasyon.