NANAWAGAN si Presidente Rodrigo Duterte niadtong Huwebes, Nobiyembre 11, alang sa pagpalig-on sa public-private collaboration sa pagtubag sa mga hagit batok sa coronavirus disease 2019 (Covid-19) pandemic.

Atol sa virtual 2021 Apec Business Advisory Council (ABAC) dialogue with economic leaders, si Duterte nipasabot sa panginahanglan sa pagpalambo sa digitalization ug literacy sa rural communities, pagtukod sa nasudnong Social Protection Floor (SPF) ug pagpahiluna sa pagpalambo sa ekonomiya.

“(We) will help increase the economic productivity of marginalized groups under the new normal,” matod ni Duterte bahin sa digitalization.

Nagkanayon siya nga gikinahanglan ang inprastraktura alang sa accessible, stable ug affordable energy supply sa hilit o mga layong komunidad.

“An SPF will guarantee a minimum set of social security benefits for all, including workers in the informal sector and gig economy,” matod ni Duterte.

Si Duterte niawhag sa developed countries sa pagtabang sa mga kabus sa pagsagop ug pagdumala sa grabeng epekto sa climate change, lakip sa climate finance, technology transfer and development ug capacity-building.

“In the interest of climate justice, we need these to transition to climate-smart development and adapt to and mitigate the worsening effects of climate change,” dason niya. (SunStar Philippines)