ANG Cebu City Government ug Metro Cebu Water District ( MCWD) mo-develop sa fountain sa Fuente Osmeña.

Si Labella nagkanayon nga butangan sa City Government og Dancing Musical Fountain ang Fuente isip simbolo nga ang Cebu City adunay igong suplay sa tubig.

“We will put a dancing musical fountain at Fuente Osmeña with dancing colors. The purpose is to underscore that our City has enough supply of water. It is just a matter of using it,” padayag ni Labella.

Gitahasan ni Labella si Engr. Editha Peros, hepe sa Parks and Playground sa Dakbayan, sa pagpakigtambayayong ngadto kang Chairman Jose Daluz III sa MCWD aron mapaspasan ang preparasyon.

Apil sa i-develop ni Labella ang duha ka fountains sa Plaza Independencia aron makita sa mga local ug langyaw nga turista, apil na ang mga lumad sa siyudad, panahon sa kagabhion. (PAC)